“Brayton” 10 nəfərlə qalan “Brentford”u məğlub edərək APL-də ikinci yerə yüksəldi

“Brayton” İngiltərə Premyer Liqasının 10-cu turunda “Brentford”u 2:0 hesabı ilə məğlub edib. Noyabrın 8-də Falmerdəki “American Express Community” stadionunda keçirilən görüşdə “Brayton” rəqibinin azlıqda qalmasından yararlanıb.

Dieqo Qomes 15-ci dəqiqədə meydan sahiblərini hesabda önə keçirib. “Brentford”un hücumçusu İqor Tyaqo 23-cü dəqiqədə qayda pozuntusuna görə qırmızı vərəqə alıb.

42-ci dəqiqədə yarımmüdafiəçi Paskal Qros penaltini dəqiq yerinə yetirərək “Brayton”un üstünlüyünü iki topa çatdırıb.

Qələbədən sonra “Brayton” 22 xalla APL-də ikinci pillədə qərarlaşıb. Komanda lider “Arsenal”dan beş xal geri qalır. “Brentford” 14 xalla səkkizinci yerdədir.