“Arsenal” və “Liverpul” “Brentford”un vingeri ilə maraqlanır

“Brentford”un vingeri Kevin Şade İngiltərə Premyer Liqasının top klublarından birinə keçə bilər.

"Operativ Məlumat Mərkəzi-OMM" xəbər verir ki, bu barədə insayder Ekrem Konurun sosial şəbəkələrdəki paylaşımında məlumat verilib.

Jurnalistin sözlərinə görə, 24 yaşlı hücumameyilli yarımmüdafiəçi ilə Londonun “Arsenal” klubu və “Liverpul” maraqlanır.

Hər iki komanda son bir neçə ay ərzində Şadenin çıxışlarını izləyib.

Kevin Şadenin müqaviləsi və statistikası

Almaniyalı futbolçunun “Brentford”la müqaviləsi 2028-ci il iyunun sonunadək qüvvədədir. Şadenin bazar dəyəri 35 milyon avro qiymətləndirilir.

O, cari mövsümdə İngiltərə Premyer Liqasında beş oyuna çıxıb və üç qol vurub.