OMM Redaksiyası
İngiltərənin "Arsenal" klubu heyətini gücləndirmək istiqamətində addımlarını davam etdirir.
"Operativ Məlumat Mərkəzi-OMM" xarici KİV-ə istinadən xəbər verir kiI baş məşqçi Mikel Arteta yay transfer dövründə hücum xəttinə yeni nəfəs gətirmək niyyətindədir və bu məqsədlə "Brentford"un hücumçusu İqor Tyaqonu diqqət mərkəzinə alıb.
24 yaşlı futbolçunu transfer etmək "topçular" üçün heç də asan olmayacaq. Məsələ ondadır ki, braziliyalı forvard bu yaxınlarda klubu ilə müqaviləsini 2031-ci ilə qədər uzadıb.
Bu amili nəzərə alan "Brentford" rəhbərliyi futbolçunun sərbəst qalması üçün təxminən 80 milyon avro tələb etməyə hazırlaşır. Buna baxmayaraq, "Arsenal" rəhbərliyi vəziyyəti yaxından izləməkdə davam edir.
İqor Tyaqo ötən mövsüm göstərdiyi performansla diqqətləri üzərinə çəkməyi bacarıb. O, Premyer Liqada 22 qol vuraraq bombardirlər siyahısında ikinci pillədə qərarlaşıb. Futbolçu bu göstərici ilə yalnız "Mançester Siti"nin ulduzu Erlinq Holannı (27 qol) özündən irəli buraxıb.
