OMM Redaksiyası
UFC döyüşçüsü Karlos Prates İslam Məhacovun döyüşlərə az çıxmasını tənqid edib. O, çempionun iyunda oktagona qayıtmağa hazır olmadığı halda kəmərdən imtina etməli olduğunu deyib. Pratesin sözlərini MMA Junkie yayıb.
Prates yanvarın 31-də Torontoda Maykl Moraleslə yarımorta çəki dərəcəsində müvəqqəti çempionluq uğrunda döyüşəcək. O, Həbib Nurməhəmmədovun çempion olduğu vaxtlarda da oxşar şəkildə döyüşləri özü üçün uyğun vaxta təyin etdiyini bildirib. Pratesin fikrincə, ildə bir döyüş keçirmək üçün uzun müddət gözləmək düzgün yanaşma deyil.
Prates Məhacovun karyerasını bitirmək barədə danışmasına da münasibət bildirib. Onun sözlərinə görə, Məhacov kifayət qədər pul qazanıbsa, ailəsi ilə vaxt keçirmək və yaxınlarının qayğısına qalmaq istəyə bilər. Prates bunu idmançının edə biləcəyi düzgün seçim kimi qiymətləndirib.
Prates kəmərin dərhal boşaldılmasını istəmədiyini, lakin Ramazandan sonra iyunda və ya həmin vaxta yaxın döyüş planlaşdırdıqlarını deyib. O, Məhacov “hazır deyiləm” söyləsə, karyerasını başa vurmalı olduğunu bildirib. Prates Moralesi məğlub edəcəyinə, onu nokauta salacağına və daha sonra Məhacovla döyüşmək fürsətindən məmnun qalacağına inandığını söyləyib.
