OMM Redaksiyası
“Borussiya Dortmund”un baş məşqçisi Niko Kovaç Bundesliqanın 9-cu turunda “Elversberq”lə keçiriləcək matç barədə danışıb. Görüş noyabrın 7-də, Bakı vaxtı ilə saat 18:30-da Dortmund təmsilçisinin meydanında baş tutacaq.
Kovaç komandasının son oyunlardan sonra bərpa üçün az vaxtının olduğunu, buna baxmayaraq futbolçuların hazır və yaxşı formada olduğunu bildirib. Onun sözlərinə görə, “Elversberq” istirahət etmək üçün “Borussiya Dortmund”dan daha çox vaxta malik olub.
Baş məşqçi komandasının evdə oynayacağını və doqquz matçlıq mərhələni uğurla başa vurmaq istədiyini qeyd edib. Kovaç beynəlxalq fasiləyə çox yaxşı nəticə ilə yollanmağı hədəflədiklərini vurğulayıb. O, “Elversberq”ə ciddi yanaşdıqlarını və rəqibin imkanlarını bildiklərini deyib. “Borussiya Dortmund”un rəsmi saytı Kovaçın fikirlərini yayımlayıb.
