OMM Redaksiyası
“Borussiya Dortmund”un baş məşqçisi Niko Kovaç UEFA Çempionlar Liqasının əsas mərhələsində “Sabah”la oyundan sonra rəqibin güclü olduğunu deyib.
O, komandasının 2:1 hesablı qələbəsini vacib adlandırıb və matçdan razı qaldığını bildirib. Kovaçın sözlərinə görə, futbolçuları hücumda yaxşı çıxış edib və meydanda verilən tapşırıqları yerinə yetiriblər.
Məşqçi “Sabah”ın özünü yaxşı tərəfdən göstərdiyini, rəqibin baxımlı futbol oynadığını vurğulayıb. O, komandasının qarşısına çıxan fürsətlərdən maksimum yararlandığını, matçın ilk 10 dəqiqəsində isə qapıya çoxsaylı zərbələr endirdiklərini söyləyib. Kovaç əlavə edib ki, bu, komandası üçün bir həftə ərzində üçüncü səfər oyunu olub.
Xatırladaq ki, oktyabrın 19-da N-tv “Sabah”la “Borussiya Dortmund” arasında keçiriləcək qarşılaşmanı təhlil edərək Almaniya klubunu oyunun favoriti göstərmişdi.
