OMM Redaksiyası
Londonun "Arsenal" klubunun hücumameyilli yarımmüdafiəçisi Bukayo Saka karyerasını dəyişə bilər.
"Operativ Məlumat Mərkəzi-OMM" "Goals Zone" nəşrinə istinadən xəbər verir ki, İngiltərə millisinin üzvü ilə Fransa çempionu PSJ yaxından maraqlanır.
Fransa nəhəngi heyətini gücləndirmək məqsədilə Sakanın transferi üçün ciddi büdcə ayırıb. İddialara görə, Paris klubu bu keçid üçün "Arsenal"a 150 milyon avro təklif etməyə hazırlaşır.
PSJ rəhbərliyi gənc ulduzu komandaya cəlb etməklə hücum xəttindəki potensialı daha da artırmağı hədəfləyir.
Bukayo Saka ötən mövsüm "Arsenal"ın heyətində ümumilikdə 49 qarşılaşmada meydana çıxıb. İngilis futbolçu bu oyunlarda 11 qol vurmaqla yanaşı, 9 məhsuldar ötürmə ilə də yadda qalıb. Qeyd edək ki, tərəflər arasında imzalanmış hazırkı müqavilənin müddəti 2030-cu ilin ortalarına qədər nəzərdə tutulub.
