İspaniyanın "Barselona" klubunun gənc və perspektivli yarımmüdafiəçisi Fermin Lopes Avropanın nəhəng klublarının diqqət mərkəzinə düşüb.
"Operativ Məlumat Mərkəzi-OMM" "El Nacional" nəşrinə istinadən xəbər verir ki, futbolçunun xidmətində maraqlı olan əsas iddiaçılardan biri Fransanın PSJ klubudur.
Paris təmsilçisi 23 yaşlı oyunçunu cari transfer pəncərəsi dövründə heyətinə qatmağı planlaşdırır.
Qeyd edək ki, Fermin Lopes 2023-cü ilin yayından etibarən "Barselona"nın şərəfini qoruyur və tərəflər arasında imzalanan müqavilə 2031-ci ilin iyun ayına qədər qüvvədədir.
Mütəxəssislərin və "Transfermarkt" portalının qiymətləndirməsinə əsasən, ispaniyalı futbolçunun hazırkı bazar dəyəri 100 milyon avro təşkil edir.
PSJ rəhbərliyinin bu transfer üçün ciddi büdcə ayırmağa hazır olduğu vurğulanır.
