OMM Redaksiyası
“Barselona”nın hücumçusu Rafinya 2026/2027 mövsümündə İspaniya çempionatının ilk doqquz oyununda 13 qol vuraraq La Liqanın tarixinə düşüb. Opta Sport statistik portalının X sosial şəbəkəsində yaydığı məlumata görə, bu, XXI əsrdə həmin göstərici üzrə ikinci nəticədir.
Argentinalı Lionel Messi 2012/2013 mövsümündə ilk doqquz oyunda Rafinya qədər qol vurub. XXI əsrdə bu mərhələdə ən çox fərqlənən isə Kriştiano Ronaldudur. “Real Madrid”in sabiq hücumçusu 2014/2015 mövsümündə 17 qola imza atıb.
Rafinya mövsümdəki 13-cü qolunu La Liqanın 10-cu turunda “Real Madrid”lə qarşılaşmada vurub. Oktyabrın 25-də keçirilən oyunda Madrid klubu 2:1 hesabı ilə qalib gəlib. Kilian Mbappe 41-ci dəqiqədə hesabı açıb, Rafinya 61-ci dəqiqədə tarazlığı bərpa edib, Mbappe isə 87-ci dəqiqədə “Real Madrid”ə qələbə qazandıran qolu vurub.
