Qəza nəticəsində 17 mindən çox ukraynalı işıqsız qalıb

Dnepropetrovsk vilayətinin Krivoy Roq şəhərinin 17,5 minə yaxın sakini enerji obyektində baş vermiş qəza nəticəsində işıqsız qalıb.

"Operativ Məlumat Mərkəzi-OMM" xəbər verir ki, bu barədə şəhər müdafiə şurasının sədri Aleksandr Vilkul öz Telegram kanalında məlumat verib.

Onun sözlərinə görə, şəhərin bir çox yerlərində sakinlər işıqsız qalıb. O, qəzanın səbəbini açıqlamayıb.

Vilkul qeyd edib ki, bəzi qazanxana və nasos stansiyaları generatorlarla təchiz edilib və nəticədə 9,2 min abonentin elektrik enerjisi ilə təminatını bərpa etmək mümkün olub.