Afət Ziyadqızı
İran parlamentinin sədri Məhəmməd Baqer Qalibaf ABŞ-də yanacağın qiymətinin rekord həddə çatması barədə xəbərə münasibət bildirib.
“Operativ Məlumat Mərkəzi-OMM” xəbər verir ki, bu barədə İran mətbuatı informasiya yayib.
Məlumata görə, Qalibaf “Bloomberg”in ABŞ-nin San-Dieqo şəhərindəki bir yanacaqdoldurma məntəqəsində bir qalun yanacağın qiymətinin 9,99 dollara yüksəldiyi və elektron lövhələrin daha yüksək rəqəmləri əks etdirə bilmədiyi barədə xəbərinə cavab olaraq məşhur Amerika animasiya serialı “Simpsonlar”dan bir video paylaşıb.
Bildirilib ki, animasiya serialından paylaşılan kadrda yanacaq qiymətlərinin ikirəqəmli həddə çatmasından və elektron lövhələrin rəqəmləri göstərə bilməməsindən sonra qəhrəmanın yanacağın praktiki olaraq pulsuz olduğunu bildirməsi ironik şəkildə əks olunub.
