Rusiya Federasiyası ABŞ prezidenti Donald Tramp tərəfindən irəli sürülən Sülh Şurasına Fələstin xalqına yardım məqsədilə 1 milyard dollar vəsait ayırmağa hazırdır.
"Operativ Məlumat Mərkəzi-OMM" xəbər verir ki, bu barədə Rusiya lideri Vladimir Putin fələstinli həmkarı Mahmud Abbasla keçirdiyi görüş zamanı məlumat verib.
Dövlət başçısı qeyd edib ki, ayrılan vəsait ilk növbədə Qəzza zolağının bərpasına və Fələstinin ümumi problemlərinin həllinə yönəldiləcək:
“Vəsaitlər yeni yaradılan Sülh Şurası vasitəsilə ötürüləcək. Maliyyə mənbəyi kimi Rusiyanın dondurulmuş aktivlərindən istifadə olunması nəzərdə tutulur. Məsələ artıq ABŞ tərəfi ilə ilkin müzakirə edilib”.
Fələstin lideri Mahmud Abbas Rusiyanın bu addımını yüksək qiymətləndirərək, Moskvanın tarixən Fələstini dəstəklədiyini və bu maliyyə yardımının böyük əhəmiyyət kəsb etdiyini vurğulayıb.
