OMM Redaksiyası
Rusiyalı döyüşçü Petr Yan UFC 333 turnirində gürcü Merab Dvalişvili üzərində qələbədən sonra keçirilən mətbuat konfransında döyüşdən sonrakı söhbətlərindən danışıb.
Jurnalist Yandan döyüşdən əvvəl Dvalişvili ilə heç vaxt dost olmayacaqlarını söylədiyini xatırladıb və qəfəsdə bir-birlərinə nə dediklərini soruşub.
“Döyüşdən sonra əl sıxdıq. Bir-iki kəlmə danışdıq, bir-birimizi daha yaxşı anlamaq üçün söhbət etdik. Bir qədər siyasi mövzuya da toxunduq. Düşünürəm ki, bu, onsuz da üzə çıxacaq və deyiləcək. Eşidəcəksiniz”, – Yan cavab verib.
Petr Yan Merab Dvalişvilini hakimlərin yekdil qərarı ilə məğlub edib. Hakimlərin hər üçü döyüşü 48:47 hesabı ilə Yanın xeyrinə qiymətləndirib.
