Afət Ziyadqızı
Pakistan ABŞ və İranı danışıqlar masasına qayıtmağa çağırıb.
“Operativ Məlumat Mərkəzi-OMM” xəbər verir ki, bu barədə Pakistan rəsmisi Əhməd “The National” qəzetinə müsahibəsində danışıb.
ABŞ və İran arasında imzalanmış anlaşma memorandumunun niyə icra olunmadığına toxunan Əhməd tərəflər arasında qarşılıqlı etimad çatışmazlığının olduğunu bildirib.
Onun sözlərinə görə, memorandumun icrasına keçidlə bağlı hər iki tərəfdə müəyyən tərəddüd müşahidə olunur.
“Biz danışıqlar masasına qayıtmaq məsələsində israr edirik”, – deyə Əhməd vurğulayıb.
O qeyd edib ki, bütün çətinliklərə baxmayaraq, Pakistan həm Vaşinqton, həm də Tehranla yüksək səviyyəli görüşləri davam etdirir.
ABŞ-nin, yoxsa İranın danışıqların davam etdirilməsində daha istəksiz olduğu barədə suala cavab verən Əhməd bunun məsuliyyətin kimə daha çox aid olduğunu və kimin danışıqlara qayıtmağa daha çox hazır olduğunu müəyyənləşdirmək qədər sadə olmadığını deyib.
Pakistan rəsmisi bildirib ki, şiddətli qarşıdurmaların və gərginliyin artdığı bir şəraitdə aprel ayında atəşkəsə nail olmaq, daha sonra tərəfləri bir araya gətirmək və onları anlaşma mətninə razı salmaq mümkün olubsa, yenidən danışıqlar masasına qayıtmaq üçün də heç bir səbəb yoxdur.
