İran Pakistan tərəfindən ABŞ və İran arasında 60 günlük atəşkəs müddətinin uzadılması ilə bağlı razılıq əldə edildiyinə dair yayılan məlumatları təkzib edib.
“Operativ Məlumat Mərkəzi – OMM” xəbər verir ki, bu barədə “Reuters” agentliyinə açıqlama verən iranlı rəsmi məlumat yayıb.
İranlı rəsmi ABŞ ilə atəşkəsin uzadılması istiqamətində hər hansı danışıqların aparılmadığını bildirib.
Onun sözlərinə görə, ümumiyyətlə, ABŞ və İran arasında atəşkəsin başladığına dair rəsmi tarix yoxdur. Buna görə də mövcud olmayan bir razılaşmanın uzadılmasından danışmaq mümkün deyil.
Mənbə qeyd edib ki, ABŞ əldə olunmuş müvəqqəti razılaşmanı cəmi 48 saat ərzində pozub və daha sonra prosesdən geri çəkilib.
İran tərəfinin bildirdiyinə görə, hazırda əsas məsələ ABŞ-nin “İslamabad Anlaşma Memorandumu”na nə vaxt qayıdacağı və üzərinə götürdüyü öhdəlikləri nə zaman yerinə yetirməyə başlayacağıdır.
İranlı rəsmi bu istiqamətdə hələlik heç bir irəliləyişin olmadığını vurğulayıb.
