Şimali İrlandiya Ukraynanı məğlub edərək Millətlər Liqasında liderliyə yüksəldi

UEFA Millətlər Liqasının B Liqasının 2-ci qrupunda 5-ci turun Şimali İrlandiya – Ukrayna qarşılaşması başa çatıb. Belfastdakı “Vindzor Park” stadionunda keçirilən oyunda meydan sahibləri 1:0 hesabı ilə qalib gəlib. Görüşün baş hakimi Fransua Leteksye olub.

İrlandiyalı hücumçu Ceymi Donlinin 23-cü dəqiqədə vurduğu qol ofsayd səbəbindən qeydə alınmayıb. 68-ci dəqiqədə isə yarımmüdafiəçi Terri Devlin Şimali İrlandiyanın yeganə qolunu vurub.

Bu qələbədən sonra Şimali İrlandiyanın xallarının sayı 11-ə çatıb və komanda qrupda birinci pilləyə yüksəlib. O, ikinci yerdəki Macarıstanı bir xal qabaqlayır. Son turda bu komandalar üz-üzə gələcək.

Dörd xalı olan Ukrayna üçüncü pillədə qalıb və A Liqasına yüksəlmək şansını vaxtından əvvəl itirib. Ukrayna 6-cı turda Gürcüstanla qarşılaşacaq. Qrupun son turunun hər iki oyunu noyabrın 17-də keçiriləcək.

Matç noyabrın 14-də, Moskva vaxtı ilə saat 22:45-də başlayıb.