OMM Redaksiyası
Azərbaycanın U-17 və U-19 milli komandaları Avropa çempionatının seçmə mərhələsində keçirdikləri ilk iki oyunda uduzublar. Dörd matçda komandalar iki qol vurub, qapılarında 22 top görüblər.
U-19 millisi
U-19 millisi Monteneqroya 2:7, Serbiyaya isə 0:4 hesabı ilə məğlub olub. Serbiya ilə görüşdə Azərbaycan topa 25 faiz sahib olub, iki zərbə endirib və onların heç biri qapı çərçivəsinə düşməyib. Rəqib 23 zərbə vurub, doqquzu çərçivəyə yönəldib, 14 künc zərbəsi qazanıb. Azərbaycan bu göstəricidə iki dəfə fərqlənib.
Dimitriye Şariç 40-cı dəqiqədə penaltini qola çevirib. David Milovanoviç 70-ci, Yovan Ostoyiç isə 73 və 79-cu dəqiqələrdə fərqlənib. Monteneqro ilə matçda Azərbaycan topa 54 faiz sahib olsa da, zərbələrdə 7:17, çərçivəyə düşən zərbələrdə 5:10 geri qalıb.
U-17 millisi
U-17 Almaniyaya 0:7, Şimali İrlandiyaya 0:4 hesabı ilə uduzub. Almaniya ilə oyunda Azərbaycan qapıya zərbə endirməyib. Şimali İrlandiyaya qarşı isə 47-ci dəqiqədə Yusif Quliyevin zərbəsini qapıçı dəf edib. Rəqibin qollarını 52-ci dəqiqədə Paday O’Keyn, 74 və 77-ci dəqiqələrdə Noa Vo, 80-ci dəqiqədə isə yenidən O’Keyn vurub.
U-17-nin buraxdığı 11 qolun doqquzu ikinci hissələrdə qeydə alınıb. Noyabrın 14-də keçirilən oyunlarda vurulan səkkiz qolun altısı 70-ci dəqiqədən sonra vurulub. Azərbaycan U-17 millisi noyabrın 17-də Litva, U-19 isə Farer adaları ilə qarşılaşacaq.
