OMM Redaksiyası
Azərbaycanın U-17 millisinin sabiq baş məşqçisi Vaqif Sadıqov Avropa çempionatının seçmə mərhələsində Almaniyaya 0:7 hesabı ilə uduzulan oyunu şərh edib. Hazırda komandanın düşərgəsində olan mütəxəssis bildirib ki, bəzi futbolçular, o cümlədən heyətin ən yaxşıları U-19 və U-20 yığmalarına dəvət aldıqları üçün U-17 komandası əsas heyətlə tam komplektləşə bilməyib. Sadıqov bunun şəxsi fikri olduğunu da vurğulayıb.
Onun sözlərinə görə, Almaniya U-17-si Avropa və dünya futbolunda güclü akademiya sistemlərindən birinə malikdir. Bu yaş qrupunda fiziki hazırlıq, oyun tempi və taktiki intizam baxımından komandalar arasında ciddi fərq var.
Sadıqov qeyd edib ki, Azərbaycan millisi ilk hissədə təxminən 45 dəqiqə kompakt müdafiə olunaraq rəqibə çox qol imkanı verməyib, lakin sadə səhvlərdən sonra iki qol buraxıb. Fasilədən sonra futbolçular yorulub, rəqibin ön xətdəki pressinqindən çıxa bilməyib və ardıcıl qollar buraxıblar.
Mütəxəssis məğlubiyyəti gənc futbolçuların beynəlxalq təcrübəsinin azlığı və yerli çempionatda yüksək intensivlikli oyunların çatışmazlığı ilə əlaqələndirib. O, komandanın növbəti görüşlərdə Şimali İrlandiya və Litva ilə oyunlara toparlanaraq müsbət nəticə qazanmağa çalışacağına ümid etdiyini fanat.az-a açıqlamasında bildirib.
