Azərbaycanın U-17 millisi İrlandiyaya 0:16 hesabı ilə uduzub

17 yaşadək qızlardan ibarət Azərbaycan millisi Avropa çempionatının seçmə mərhələsində ilk oyununa çıxıb.

B Liqasının B1 qrupunda mübarizə aparan Azərbaycan millisi Albaniyanın Rroqojinə şəhərində İrlandiya yığması ilə qarşılaşıb. Görüş rəqib komandanın 16:0 hesablı qələbəsi ilə yekunlaşıb.

Azərbaycanın U-17 millisi seçmə mərhələdə növbəti oyununu oktyabrın 1-də Kosovaya qarşı keçirəcək.

Komanda oktyabrın 4-də isə Albaniya yığması ilə üz-üzə gələcək.