Maykl Ouen “Qızıl top” mükafatına layiq görülməsinin yetərincə qiymətləndirilmədiyini deyib

2001-ci ildə “Qızıl top” mükafatını qazanan Maykl Ouen bu nailiyyətinin yetərincə qiymətləndirilmədiyini bildirib. İngiltərə millisinin sabiq hücumçusu ölkəsində mükafatın onun uğuruna görə lazımi diqqəti görmədiyini, İspaniyada isə həmin qələbədən sonra onu qəhrəman adlandırdıqlarını deyib.

Ouen “Qızıl top”la qürur duyduğunu vurğulayıb. O, telefonunda səsvermənin nəticələrini göstərən cədvəlin şəklini saxladığını, orada ikinci, üçüncü və sonrakı yerləri tutanların adlarının qeyd olunduğunu bildirib.

“Bu siyahıya baxanda insanın nəfəsi kəsilir. Uşaqlıqda istədiyim hər şey bu idi. Mən sadəcə futbolçu olmaq yox, ən yaxşı futbolçu olmaq istəyirdim. İndi bu qələbə mənə oynadığım vaxtdan daha çox sevinc verir. 22 yaşında olanda bu, sadəcə qazanmalı olduğun növbəti kubokdur”, – deyə Ouenin sözlərini “FourFourTwo” nəşri yayıb.

Mənbənin məlumatına görə, 2026-cı ildə “Qızıl top”un sahibi başqa bir ingilis futbolçu, Harri Keyn olub.