OMM Redaksiyası
“Çikaqo Fayr”ın hücumçusu Robert Levandovski indiki futbolçu nəslinin uzun illər yüksək səviyyədə çıxış etməsinin əvvəlki nəsillə müqayisədə daha çətin olacağını düşünür. Onun sözlərini “The Athletic” yayıb.
Levandovskinin fikrincə, əvvəlki nəsil böyük hədəflərə çatmaq üçün illərlə çalışmalı, fürsət gözləməli və tədricən inkişaf etməli idi. İndi isə gənc futbolçular daha erkən uğur qazanır və elit səviyyəyə daha tez yüksəlirlər. Lakin hücumçu vurğulayıb ki, bu, həmin səviyyədə uzun müddət qalacaqlarına zəmanət vermir.
O qeyd edib ki, futbolçular da insandır və illər ərzində imkanlarının son həddində çıxış etmək çox çətindir. Buna görə yalnız fiziki vəziyyətə deyil, psixoloji durumlarına da diqqət yetirmək lazımdır.
Levandovski əlavə edib ki, karyeranın əvvəlində uğurlar qazanmaq, bunun arxasında ciddi əmək dayansa belə, zamanla qələbə istəyinin azalmasına səbəb ola bilər. Onun sözlərinə görə, müəyyən mərhələdə futbolçuda uğur üçün vacib olan “qələbə aclığı” çatışmaya bilər və bu halda ən yaxşılar sırasında qalmaq çətinləşər. Xatırladaq ki, hücumçu daha əvvəl “Barselona” və “Bavariya”da çıxış edib.
