OMM Redaksiyası
“İnter”in sabiq baş məşqçisi Fabio Kapello komandanın UEFA Çempionlar Liqasının ümumi mərhələsində “Şaxtyor”la oyununu tənqid edib. Milan təmsilçisi görüşdə 1:0 hesabı ilə qalib gəlib.
Oktyabrın 21-də Milanda keçirilən üçüncü turun qarşılaşmasında yeganə qolu 77-ci dəqiqədə Auqusto vurub. “İnter”in müdafiəçisi Bastoni 68-ci dəqiqədə qırmızı vərəqə alaraq meydandan qovulub. Oyun Bakı vaxtı ilə saat 23:00-da başlayıb.
Kapello La Gazzetta dello Sport-a bildirib ki, “İnter” ilk hissədə təhlükəli hücumlar qura bilməyib, komandada aqressivlik, hərəkətlilik və sürətli kombinasiyalar çatışmayıb. Onun sözlərinə görə, “İnter” adətən, xüsusilə öz meydanında üstün oyun göstərsə də, bu dəfə fasilədən sonra fəallaşıb.
Kapello komandanın oyuna köklənməsi üçün daim əlavə təkan gözləməsini anlamadığını deyib. O, “İnter”in sanki aşağı sürətlə oynadığını və yalnız matçın sonlarında temp artırdığını qeyd edib, baş məşqçi Kivunun vəziyyəti düzəltməli olduğunu vurğulayıb.
“İnter” Çempionlar Liqasının üç oyununda üç xal toplayıb və turnir cədvəlində 21-ci pillədə qərarlaşıb.
