OMM Redaksiyası
“Bavariya”nın yarımmüdafiəçisi Yoşua Kimmix Almaniya Bundesliqasının 8-ci turunda Dortmund “Borussiya”sı ilə 2:2 hesablı heç-heçəni şərh edib. Münhen təmsilçisi oyunun 89-cu dəqiqəsində qələbə hesabını əldən verib.
İkinci hissədə “Bavariya”nın hücumçusu Harri Keyn penalti zərbəsini qola çevirə bilməyib. Qızıl topun sahibi topu qapı tirinə vurub.
Kimmix bildirib ki, bu, komandanın üçüncü heç-heçəsidir və nəticə, xüsusilə ikinci hissənin gedişatı nəzərə alınanda, onlar üçün qənaətbəxş deyil. Onun sözlərinə görə, heç-heçə oyunun gedişatını tam əks etdirmir, lakin “Borussiya” sona qədər mübarizə aparıb. “Nəticədə bir xalla kifayətlənməli oluruq, halbuki qələbə qazanmalı idik”, – Kimmix deyib.
“Bavariya”lı futbolçu Keynin penaltini qaçırmasını onu daha çox təəccübləndirən məqam adlandırıb. Kimmix hücumçunun penaltiləri reallaşdırma göstəricisinin inanılmaz olduğunu vurğulayıb və gec-tez onun zərbəni qaçırmalı olduğunu söyləyib. O, qarşıda daha vacib penaltilərin olacağına və Keynin yenidən qol vurmağa başlayacağına əminliyini ifadə edib. Kimmixin sözlərini Bayern & Germany yayıb.
