OMM Redaksiyası
Bakı noyabrın 23-dən 29-dək qrepplinq, pankration və həvəskar MMA üzrə dünya çempionatlarına ev sahibliyi edəcək. Dünya Güləş Birliyinin (UWW) rəsmi saytında yer alan məlumata görə, hər üç idman növü üzrə yarışlar eyni məkanda təşkil olunacaq.
Qrepplinq üzrə dünya çempionatında U-15, U-17, U-20 və böyüklər yaş kateqoriyalarının təmsilçiləri iştirak edəcəklər. Ötən il böyüklər arasında dünya çempionatı digər yaş qruplarının yarışlarından ayrıca keçirilmişdi. Bu dəfə isə bütün kateqoriyalar bir tədbir çərçivəsində birləşdiriləcək.
Pankration üzrə dünya çempionatında U-15 və U-17 yaş qrupları, həvəskar MMA üzrə mundialda isə U-20 və böyüklər kateqoriyalarının idmançıları mübarizə aparacaqlar.
Çempionatlar ərəfəsində UWW hər üç idman növünü əhatə edən hakimlər seminarı da təşkil edəcək.
