OMM Redaksiyası
Azərbaycan cüdo millisinin üzvü İbrahim Talıbov Seneqalda keçirilən Yeniyetmələrin Olimpiya Oyunlarında bu gün tatamiyə çıxacaq. O, Dakar-2026-da 55 kq çəki dərəcəsində mübarizə aparır.
Talıbov ilk görüşündə Mərkəzi Afrika Respublikasından olan İbrahim Mussa ilə Əfqanıstan təmsilçisi Cahan Zib Tarinin qarşılaşmasının qalibi ilə üz-üzə gələcək.
Yarış gününün təsnifat görüşləri Bakı vaxtı ilə saat 14:00-da başlayacaq. Medalların sahibləri isə saat 20:00-da start götürəcək final blokunda müəyyənləşəcək.
Dakar-2026 oktyabrın 31-də başlayıb və noyabrın 13-dək davam edəcək. Oyunlarda Azərbaycanı səkkiz idman növündə 13 idmançı təmsil edir.
