OMM Redaksiyası
Noyabrın 1-də Seneqalın paytaxtı Dakarda Yeniyetmələrin dördüncü Yay Olimpiya Oyunlarının cüdo yarışlarına start veriləcək.
Azərbaycanı 55 kq çəki dərəcəsində İbrahim Talıbov təmsil edəcək. O, noyabrın 1-də tatamiyə çıxacaq. Talıbov yeniyetmə oğlanlardan ibarət milli komandanın baş məşqçisi Emin İskəndərovun rəhbərliyi altında yarışacaq.
Azərbaycan cüdoçuları Yeniyetmələrin Yay Olimpiya Oyunlarında indiyədək bir qızıl və iki gümüş medal qazanıblar. Vüqar Talıbov 2018-ci ildə Buenos-Ayresdə 66 kq çəki dərəcəsində Olimpiya çempionu olub. Natiq Qurbanlı 2014-cü ildə Nankində 55 kq, Leyla Əliyeva isə 44 kq çəki dərəcəsində gümüş medal qazanıblar.
Yarış noyabrın 3-də başa çatacaq.
