Afət Ziyadqızı
İran İslam İnqilabı Keşikçiləri Korpusunun (SEPAH) yaydığı məlumata görə, Hürmüz boğazında, Sirik şəhəri sahillərində ABŞ-yə məxsus “MQ-1” tipli pilotsuz uçuş aparatı (PUA) vurulub.
“Operativ Məlumat Mərkəzi-OMM” xəbər verir ki, PUA-nın İranın hava hücumundan müdafiə sistemləri tərəfindən aşkar edilərək zərərsizləşdirildiyi bildirilir.
ABŞ hərbi rəsmiləri hadisə ilə bağlı hələlik heç bir açıqlama verməyiblər.
Qeyd edək ki, ABŞ-də 1990-cı illərdə istehsal olunan “MQ-1” tipli PUA-lar ilk dövrlərdə kəşfiyyat, müşahidə və uzaq məsafədən görüntüləmə məqsədilə layihələndirilib. Daha sonra bu aparatlara müasir kamera sistemləri və raket silahları inteqrasiya olunaraq döyüş tapşırıqlarına uyğunlaşdırılıb.
