OMM Redaksiyası
“Berlinin İranın hücumları qarşısında Hörmüz boğazından keçən gəmilərə hərbi müdafiə təmin etmək üçün heç bir əsası yoxdur”.
"Operativ Məlumat Mərkəzi-OMM" xəbər verir ki, bu sözləri Almaniya kansleri Fridrix Merts deyib.
"Almaniya bu müharibənin bir hissəsi deyil və biz də onun bir hissəsi olmaq istəmirik", - o bildirib.
Almaniya kansleri həmçinin ABŞ prezidenti Donald Tramp administrasiyasını gəmilərə yüklənən Rusiya neftinə qarşı sanksiyaları müvəqqəti olaraq ləğv etdiyinə görə tənqid edib.
"Biz bunun səhv olduğuna inanırıq. Hazırkı məsələ təklif deyil, qiymətdir. Və bu baxımdan, ABŞ hökumətini bu qərarı verməyə sövq edən digər amillərin nə olduğunu bilmək istərdim", - o qeyd edib.
