“Espanyol” Eder Sarabiyanı baş məşqçi təyin etdi

“Espanyol” yeni baş məşqçisinin adını açıqlayıb. Kataloniya klubunu daha əvvəl “Elçe”yə rəhbərlik etmiş 45 yaşlı Eder Sarabiya çalışdıracaq. Tərəflər 2028-ci ilin yayınadək qüvvədə olacaq müqavilə imzalayıblar.

Sarabiya La Liqanın 11-ci turunda cümə günü “Vilyarreal”la keçiriləcək oyunda komandanın başında olmayacaq. Bu qarşılaşmada “Espanyol”a müvəqqəti baş məşqçi Serxio Qarsiya rəhbərlik edəcək. Sarabiya işinə növbəti turda “Deportivo” ilə matçdan başlayacaq. Onun rəsmi təqdimatı noyabrın 3-də, çərşənbə axşamı keçiriləcək.

47 yaşlı Manolo Qonsales 2024-cü ildən “Espanyol”un baş məşqçisi idi. O, komanda İspaniyanın dördüncü divizionunda çıxış edən “Sestao River”ə İspaniya kubokunda 3:4 hesabı ilə uduzaraq mübarizəni dayandırdıqdan sonra vəzifəsindən azad edilib.

Sarabiya “Elçe”dən əvvəl “Las-Palmas”, “Betis” və “Barselona”da Kike Setyenin köməkçisi olub.

“Espanyol” La Liqada 10 oyundan sonra 8 xalla 18-ci pillədə qərarlaşıb.