"Azərbaycanda COP29 tədbiri həm təşkilatçılıq, həm qəbul edilən qərarlar baxımından, həm də diqqət mərkəzində olması baxımından əlamətdar hadisə kimi yadda qaldı".
Bu sözləri "Operativ Məlumat Mərkəzi-OMM"-ə açıqlamasında millət vəkili Hikmət Babaoğlu deyib.
Onun sözərinə görə, Bakıda keçirilən tərəflər konfransına qədər sadəcə 100 milyardlıq hədəfdən söhbət gedirdisə, bu, Bakıda ilk dəfə 300 milyarda çatdırıldı: "Bununla bağlı tərəflərin razılaşdırılması əldə edildi. Növbəti mərhələ üçün daha böyük hədəflər müəyyənləşdi. Bu, COP29-un əsas məqsədi olan 1.5 dərəcəlik iqlim dəyişikliyi ilə bağlı hədəflərə dünyanı daha yaxın etdi".
Millət vəkili deyir ki, məsələnin başqa bir tərəfi ondan ibarətdir ki, COP29 tədbirini zəruri edən atmosferə karbon emissiyası buraxan bəzi ölkələr hesab edirdi ki, onlar iştirak etməsə, nəticə əldə olunmayacaq. Amma Bakı tərcrübəsi göstərdi ki, onlarsız da uğurlu tədbir keçirmək mümkündür. Həmçinin COP29-da Azərbaycana qarşı aparılan informasiya müharibəsi də iflas etdi.
