OMM Redaksiyası
“PSJ” və İspaniya millisinin sabiq yarımmüdafiəçisi, hazırda “Saraqosa”da çıxış edən Ander Herrera Paris klubundakı karyerası və Lionel Messinin komandaya gəlişi barədə danışıb. Onun sözlərini AS yayıb.
Herrera bildirib ki, klub artıq Neymar və Kilian Mbappeni transfer etdiyi üçün böyük məbləğli yeni transferlər edə bilməzdi. Futbolçunun sözlərinə görə, onun özü üçün transfer haqqı ödənilməyib, “PSJ” isə ona beş il və dünyanın ən yaxşıları ilə oynamaq imkanı verib. Herrera Çempionlar Liqasını qazanmağa yaxın olduğunu da söyləyib.
Messinin “PSJ”dəki dövrünə toxunan Herrera komandanın bir əsas ulduzu olmalı olduğunu deyib. “Mən Poçettinoya demişdim: onun yerində olmaq istəməzdim. Nəticədə hər şey fəlakətə çevrildi. Belə imtiyazlara sahib bir futbolçu olmalıdır”, – deyə o bildirib. Herrera Marko Verratti, Serxio Ramos, Neymar, Messi və Mbappeni də sadalayıb.
Messi 2021–2023-cü illərdə “PSJ”də oynayıb. O, Paris klubunda 75 matçda 32 qol vurub və 35 məhsuldar ötürmə edib. Argentinalı futbolçu bu müddətdə Fransa çempionu titulunu iki dəfə, ölkə Superkubokunu isə bir dəfə qazanıb.
