Afət Ziyadqızı
İran Parlamenti (Məclis) sədri Məhəmməd Baqir Qalibaf ABŞ-də keçirilən aralıq seçkilərinin ilkin nəticələrinə münasibət bildirib. İrandan olan yüksəksəviyyəli rəsmi bu barədə "X" sosial şəbəkəsindəki şəxsi hesabında paylaşım edib.
“Operativ Məlumat Mərkəzi-OMM” xəbər verir ki, Qalibaf Vaşinqtonun xarici siyasətini tənqid edərək Amerika seçicilərinin mesajına diqqət çəkib: “ABŞ hökuməti beynəlxalq güc mərkəzlərinə və şantajçılara xidmət etmək naminə öz xalqının iradəsini nəzərə almasa, İranın ”yox" deməsinin kabusla birlikdə gələcəyini öyrənəcək".
İran parlamentinin sədri paylaşımında ABŞ-dəki səsvermənin nəticələrini müharibə əleyhinə addım kimi qiymətləndirib: "Vicdan məsələsidir, yoxsa xərc? ABŞ xalqı müharibəyə 'yox' dedi və biz bu mesajı dəstəkləyirik".
Qeyd edək ki, ABŞ Konqresinə keçirilən aralıq seçkilərin qeyri-rəsmi nəticələrinə əsasən, Demokratlar Partiyası Senatda 51 mandat qazanaraq çoxluğu Respublikaçılardan geri almağı bacarıb.
