Rövnəq İbrahim oğlu Abdullayev

1965-ci ildə anadan olub.

1989-cu ildən Neft Daşları NQÇİ-də, 28 May NQÇİ-də və “Xəzərdənizneftqaztikinti” Trestində mühəndis, şöbə rəisi və baş mühəndis vəzifələrində işləyib. 1997-ci ildən “Xəzərdənizneftqaztikinti” Trestinin müdiri, 2003-cü ildən Heydər Əliyev adına Bakı Neft Emalı Zavodunun direktoru olub. 2005–2022-ci illərdə Azərbaycan Respublikası Dövlət Neft Şirkətinin (SOCAR) prezidenti vəzifəsində çalışıb.

Azərbaycan Respublikası Prezidentinin 2022-ci il 10 fevral tarixli Sərəncamı ilə iqtisadiyyat nazirinin müavini təyin olunub. III, IV və V çağırış Azərbaycan Respublikası Milli Məclisinin deputatı olub.

Ali təhsilini Moskva İnşaat Mühəndisləri İnstitutunun Sənaye və mülki tikinti fakültəsində alıb.