Elnur Aydın oğlu Əliyev

1983-cü ildə anadan olub.

Əmək fəaliyyətinə İqtisadi İnkişaf Nazirliyində başlayıb; 2005–2009-cu illərdə nazirlikdə məsləhətçi, aparıcı məsləhətçi və sektor müdiri vəzifələrində çalışıb. 2010–2013-cü illərdə Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsi rəisinin köməkçisi, 2013–2017-ci illərdə Təhsil Nazirliyində nazir köməkçisi, şöbə müdiri və aparat rəhbəri, 2017-ci ilin dekabrından 2020-ci ilin mayınadək vergilər nazirinin müşaviri olub.

Azərbaycan Respublikası Prezidentinin 2020-ci il 13 may tarixli Sərəncamı ilə iqtisadiyyat nazirinin müavini, 2022-ci il 10 fevral tarixli Sərəncamı ilə iqtisadiyyat nazirinin birinci müavini təyin olunub.

1998-ci ildə Bakı Dövlət Universitetinin Hüquq fakültəsinə daxil olub, 2002-ci ildə bakalavr, 2006-cı ildə magistr dərəcələrini fərqlənmə ilə bitirib. 2008–2009-cu illərdə Böyük Britaniyanın London Kral Kollecində beynəlxalq biznes hüququ üzrə magistr təhsili alıb.