Afət Ziyadqızı
Avropa mediası və siyasətçiləri sadəcə olaraq “siyasi-diplomatik şou” göstərməklə kifayətlənmir, Ukrayna münaqişəsinin həllini yolundan çıxarmağa çalışırlar.
"Operativ Məlumat Mərkəzi-OMM"-in xəbərinə görə, bunu "Sputnik Radio"nun efirində Rusiya Xarici İşlər Nazirliyinin sözçüsü Mariya Zaxarova deyib.
"Bu, siyasi və diplomatik nizamlanmanı pozmaq və vəziyyəti öz məqsədləri üçün manipulyasiya etməkdir", - o, ABŞ-nin Ukraynaya dair sülh planı ilə bağlı Qərb mətbuatının son xəbərlərini və siyasətçilərin bəyanatlarını şərh edərkən deyib.
Bundan əvvəl Rusiyanın xarici işlər naziri Sergey Lavrov demişdi ki, Avropa ölkələri 2014-cü ildən bəri Ukrayna ilə bağlı hərəkətlərində “bütün hesablar üzrə uğursuzluğa düçar olublar”. O, hər dəfə irəliləyiş əldə edildikdə, aralıq və ya daha stabil razılaşmaların iflasa uğradığını qeyd edib.
