OMM Redaksiyası
Türkiyə millisinin baş məşqçisi Sergen Yalçın Belçikaya məğlubiyyətdən sonra komandasının mübarizəsindən razı qaldığını deyib. Gürsel Aksel stadionunda keçirilən oyundan sonra danışan 54 yaşlı mütəxəssis komandasının matça yaxşı hazırlaşdığını, ilk 20-30 dəqiqədə ön pressinqin nəticə verdiyini və qol vurduqlarını bildirib. Onun sözlərinə görə, Türkiyə millisi 30-45-ci dəqiqələrdə oyunun üstünlüyünü rəqibə verib.
Yalçın Belçikanın yaxşı komanda olduğunu deyib və müdafiədəki problemləri aradan qaldırmağa çalışdıqlarını vurğulayıb. O, komandasının oyunun bəzi hissələrində üstünlük qazandığını, xal əldə edə biləcəyini və mübarizədən razı qaldığını qeyd edib. Məşqçi Arda Gülərin keyfiyyətinə uyğun oynadığını və gözəl qol vurduğunu bildirib. Yalçının sözlərinə görə, Arda hücumları yönləndirir və komandanın ən yaxşı futbolçusudur.
Oğuz Aydının sağ cinah müdafiəçisi mövqeyində oynadılmasını şərh edən Yalçın, Zeki Çelikin zədədən yeni qayıtdığı üçün 90 dəqiqə meydanda qala bilməyəcəyini söyləyib. O, Belçikanın həmin cinahda çıxış edən Ceremi Dokunun təhlükəli oyunçu olduğunu, Oğuzun performansından isə razı qaldığını əlavə edib.
Belçikanın baş məşqçisi Mark van Bommel Türkiyənin matça sürətli pressinqlə başladığını və cərimə zərbəsindən vurduğu qola görə rəqibi təbrik etdiyini bildirib. Onun sözlərinə görə, Belçika geridə düşdükdən sonra tez toparlanıb, ikinci hissədə oyunun nəzarətini ələ alıb. Van Bommel Ceremi Dokunun yaxşı çıxış etdiyini, meydanın vəziyyətinin isə komandasının oyununa mənfi təsir göstərdiyini də qeyd edib.
