Romelu Lukaku Türkiyə ilə oyunda zədə səbəbindən iştirak etməyəcək

Belçika millisinin hücumçusu Romelu Lukaku UEFA Millətlər Liqasının A Liqasının 1-ci qrupunda Türkiyə yığmasına qarşı keçirəcəyi 5-ci tur matçında iştirak etməyəcək. Belçika millisinin sosial şəbəkə hesabında bildirilib ki, futbolçu bud nahiyəsindən zədə alıb.

Lukaku müalicəsini daha əlverişli şəraitdə davam etdirmək və ehtiyat tədbiri olaraq Belçikada qalacaq. Yığmanın açıqlamasında tibbi heyətin hücumçunu bazar günü İtaliya ilə oyuna hazır etmək üçün əlindən gələni etdiyi qeyd olunub.

Türkiyə – Belçika qarşılaşması noyabrın 12-də Moskva vaxtı ilə saat 20:00-da, Bakı vaxtı ilə 21:00-da başlayacaq. Belçika millisi noyabrın 15-də A Liqasının 1-ci qrupunun 6-cı turunda İtaliyanı qəbul edəcək. Bu oyun Moskva vaxtı ilə saat 22:45-də, Bakı vaxtı ilə 23:45-də start götürəcək.

Belçika hazırda qrupun turnir cədvəlində altı xalla üçüncü yerdədir.