Venesuela millisinin baş məşqçisi Osvaldo Viskarrondo komandasının Rusiya yığması ilə yoldaşlıq görüşündəki çıxışını dəyərləndirib. Venesuela millisi noyabrın 17-də keçirilən matçda 0:2 hesabı ilə uduzub.
Rusiya millisinin hər iki qolunu Aleksey Mirançuk vurub. O, 59-cu və 75-ci dəqiqələrdə fərqlənərək komandasına qələbə qazandırıb.
Viskarrondo oyundan sonra komandasının performansının yaxşı olmadığını deyib. Baş məşqçinin sözlərinə görə, geriyə baxanda bu, vəzifəyə gəldiyi vaxtdan bəri Venesuela millisinin keçirdiyi ən pis matç olub.
“Üzərində işləməli olduğumuz çox şey var. Görüşün nəticəsinə rəqibin səviyyəsi də təsir etdi. Amma başımızı dik tutmalı və çalışmağa davam etməliyik. Bütün məsuliyyəti öz üzərimə götürürəm, eyni zamanda komanda daxilində bu matçı təhlil edəcəyik. Bu oyun bizim üçün dərs oldu”, – deyə Viskarrondo bildirib.
Venesuela millisinin baş məşqçisi komandanın qarşıdakı işləri davam etdirməli olduğunu vurğulayıb.