"Ümumdünya Səhiyyə Təşkilatı (ÜST) İsrailin Livana hücumlarında fosforlu sursatlardan istifadə etməsi barədə məlumatlar alıb və vəziyyəti araşdırmağa davam edəcək".
"Operativ Məlumat Mərkəzi-OMM" xəbər verir ki, bu sözləri ÜST-ün Livandakı nümayəndəsi Abdinasir Abubakar Cenevrədə deyib.
"Biz bu məlumatları almışıq. Xəstəxanalarla əlaqə saxlamışıq. Hazırda keçmişdə fosfor və ya digər kimyəvi maddələrin istifadəsi ilə bağlı hər hansı bir xəsarət barədə heç bir məlumat almamışıq. Biz belə şəxsləri müəyyən etmək üçün vəziyyəti araşdırır və izləyirik", - o qeyd edib.
Qeyd edək ki, martın 6-da Livan silahlı qüvvələrindəki mənbə İsrail Hərbi Hava Qüvvələri Livanın cənubundakı yaşayış məntəqələrinə endirilən zərbələrdə fosfor tərkibli mərmilərdən istifadə etdiyini bildirmişdi.
Martın 9-da "Human Rights Watch" təşkilatı İsrail ordusunun Livanın cənubunda fosfor mərmilərindən istifadə etdiyini təsdiqlədiyini bildirib.
