OMM Redaksiyası
ABŞ Prezidenti Donald Tramp ölkənin kifayət qədər döyüş sursatına malik olduğunu və ehtiyatların sürətlə artırıldığını bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Tramp ABŞ-də döyüş sursatı çatışmazlığının olduğunu iddia edənləri yalançı və xain adlandırıb.
"Bu, həqiqətə uyğun deyil. Bizdə heç vaxt istifadə edə bilməyəcəyimizdən də çox sursat var və hazırda ehtiyatlarımızı əvvəllər görünməmiş sürətlə yenidən doldururuq", - ABŞ prezidenti qeyd edib.
Ötən həftə ABŞ Müdafiə Nazirliyinin baş inspektoru İrana qarşı müharibənin döyüş sursatı çatışmazlığına və təchizat zəncirində maneələrə səbəb olduğunu açıqlamışdı.
Hesabatda fevral-iyun ayları ərzində ABŞ-nin sursatlara 22 milyard dollardan çox xərc çəkdiyi və bunun strateji ehtiyatlarda çatışmazlıq yaratdığı qeyd olunurdu.
Ağ Ev isə bu hesabatı şərh edərkən ABŞ-nin lazımkindən də artıq sursata sahib olduğunu bəyan etmişdi.
