Afət Ziyadqızı
ABŞ Prezidenti Donald Tramp ölkənin hərbi sursat ehtiyatlarının tükənməsi ilə bağlı yayılan məlumatları təkzib edib.
“Operativ Məlumat Mərkəzi-OMM” xəbər verir ki, Tramp bu barədə özünün "Truth Social" sosial şəbəkə hesabında paylaşım edib.
Məlumata görə, Tramp ABŞ-nin xüsusilə müəyyən növ sursatlar üzrə böyük ehtiyatlara malik olduğunu bildirib və bu istiqamətdə yayılan iddiaların həqiqəti əks etdirmədiyini vurğulayıb.
O, həmçinin qeyd edib ki, ABŞ-nin müdafiə şirkətləri ölkə tarixində görünməmiş sayda yeni obyekt və zavodlar inşa edir. Trampın sözlərinə görə, tələbat yarandıqca ölkəyə böyük həcmdə yeni sursatlar daxil olur.
Keçmiş prezident bununla yanaşı, hərbi məlumatların mətbuata sızdırılmasını sərt tənqid edib. O bildirib ki, "xain" adlandırdığı sızdırma mənbələrinin müəyyən edilməsi üçün araşdırmalar aparılır və günahkar şəxsləri uzunmüddətli həbs cəzası gözləyir.
