Ukrayna bu il ərzində 1 milyon dron əldə etmək üçün müqavilələr bağlayıb.
"Operativ Məlumat Mərkəzi-OMM" xarici mediaya istinadən xəbər verir ki, vu barədə Ukrayna prezidenti Volodimir Zelenski açıqlama verib.
O, ilin sonuna qədər bu rəqəmin daha da artacağını bildirib.
“Hələlik bütün təfərrüatı açıqlamırıq. Lakin bizim dron istehsalı qabiliyyətimiz tədricən artır. Biz təkcə dövlət büdcəsi ilə deyil, istehsal prosesinə yatırım etmələri üçün tərəfdaşlarımızla da iş görürük”, - deyə Zelenski əlavə edib.
Ukrayna rəhbərliyi Amerika Birləşmiş Ştatlarından 3.9 milyard dollarlıq maliyyə yardımı alıb.
Sözügedən məbləğin Rusiyanın dondurulmuş fondlarından təmin edildiyi bildirilir.
Bundan başqa, Ukraynanın Avropa İttifaqından 4.38 milyard dollarlıq yardım alacağı gözlənilir.
Ukrayna rəhbərliyi daha əvvəl qərb tərəfdaşlarından F-16 qırıcıları almaqla havadan müdafiəsini də gücləndirib.
NATO ölkələri Ukraynaya, təxminən, 65 qırıcı vəd verib.
