Rusiya Müdafiə Nazirliyi ötən gecə ölkə ərazisinə edilən genişmiqyaslı hücum barədə məlumat yayıb.
"Operativ Məlumat Mərkəzi-OMM" xəbər verir ki, hava hücumundan müdafiə (HHM) sistemləri tərəfindən ümumilikdə 555 ədəd Ukrayna istehsalı olan təyyarə tipli pilotsuz uçuş aparatı (PUA) aşkar edilərək zərərsizləşdirilib.
İnsident nəticəsində dronların əsasən Rusiyanın müxtəlif regionları üzərində məhv edildiyi bildirilir.
Qeyd edək ki, Ukrayna tərəfi mütəmadi olaraq Rusiya ərazisinə PUA-lar vasitəsilə zərbələr endirməkdə davam edir. Rusiya tərəfi isə bu cür hücumları qarşılamaq üçün HHM sistemlərinin gücləndirilmiş rejimdə çalışdığını vurğulayır.
