Afət Ziyadqızı
Türkiyə Ukrayna üzrə danışıqlar prosesinin sakit şəraitdə davam etdirilməsini və onun pozulmasına, eləcə də yeni eskalasiyaya səbəb ola biləcək addımlardan çəkinməyi zəruri hesab edir.
“Operativ Məlumat Mərkəzi-OMM” xəbər verir ki, bu barədə “RİA Novosti” Türkiyə hökumətindəki mənbəyə istinadən məlumat yayıb.
Məlumata görə, danışıqlar xətti sakit mühitdə qorunmalıdır. Prosesə maneə yarada, təxribatlara səbəb ola və ya dialoqu poza biləcək addım və bəyanatlardan uzaq durmaq lazımdır. Həmçinin qeyd edilib ki, hazırda tərəflər arasında diplomatik əlaqə imkanının saxlanılması xüsusi əhəmiyyət daşıyır.
Bildirilib ki, sentyabrın 4-də Rusiya liderinin mətbuat katibi Dmitri Peskov Rusiya Prezidenti Vladimir Putinin Ukraynadakı münaqişənin nizamlanması üzrə danışıqlara dair mövqeyinin iki il əvvəl açıqlandığını və dəyişməz olaraq qaldığını diqqətə çatdırıb.
