OMM Redaksiyası
Tailandın Phuket adasında daşqınlardan zərər çəkmiş bir neçə rayon fəlakət zonası elan edilib.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
Bildirilib ki, adanın bəzi ərazilərində sakinlərin daha təhlükəsiz yerlərə təxliyə edilməsi barədə göstəriş verilib.
Fəlakət zonası elan edilmiş Mueang rayonunda güclü yağışlar daşqınlara və torpaq sürüşmələrinə səbəb olub. Təbii fəlakət əraziyə ciddi ziyan vurub.
Turistlər arasında populyar olan Karon və Patonq əraziləri adada daşqınlardan ən çox zərər çəkən bölgələr sırasındadır.
Qeyd olunub ki, fəlakət zonası statusu verilmiş ərazilər Tailand Daxili İşlər Nazirliyinin maliyyə kompensasiyası və dəstəyini prioritet qaydada almaq imkanına malik olacaq.
