OMM Redaksiyası
Beynəlxalq Atom Enerjisi Agentliyinin (BAEA) baş direktoru Rafael Qrossi əməkdaşların ölümü ilə nəticələnən Zaporojye Atom Elektrik Stansiyasına (AES) hücumları qəbuledilməz hesab edib.
“Operativ Məlumat Mərkəzi-OMM” xəbər verir ki, bu barədə BAEA-nın "X"dakı paylaşımında bildirilir.
"Qrossi bildirib ki, atom elektrik stansiyasının əməkdaşlarına qarşı istənilən hücum tamamilə qəbuledilməzdir. Bu, silahlı münaqişə zamanı nüvə təhlükəsizliyi və mühafizəsinin təmin olunması üçün vacib olan yeddi əsas prinsipin pozulması deməkdir”, - paylaşımda qeyd olunub.
Bildirilib ki, Qrossi nüvə qəzası riskinin qarşısını almaq üçün münaqişə tərəflərini maksimum təmkin nümayiş etdirməyə bir daha çağırıb.
Xatırladaq ki, ötən gün pilotsuz uçuş aparatının hücumu nəticəsində Zaporojye AES-in təmir sexində çalışan qaynaqçı həlak olub.
Qeyd edək ki, Zaporojye AES 2024-cü il martın 4-də, Ukraynaya qarşı hərbi əməliyyatların ilk günlərində Enerqodar şəhərində baş verən döyüşlərdən sonra Rusiya qoşunlarının nəzarətinə keçib.
