OMM Redaksiyası
Ukrayna Prezidenti Volodimir Zelenski Rusiya ordusunun pilotsuz uçuş aparatlarının hücumlarının qarşısının alınmasında mühüm rol oynayan Starshield peyk rabitə sisteminin son günlər cəbhəboyu ciddi fasilələrlə üzləşdiyini bildirib.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
O bildirib ki, Ukraynanın müdafiə naziri Yevgeni Xmara və Silahlı Qüvvələrin baş komandanı Mixail Drapatıdan sistemin fəaliyyətindəki problemlərlə bağlı məruzələr alıb.
Prezidentin sözlərinə görə, son bir neçə gündə Ukraynanın bütün ərazisində, cəbhə xəttində və müvəqqəti işğal olunmuş ərazilərdə Starshield sisteminin işində ciddi nasazlıqlar qeydə alınıb. Xüsusilə, sistemin sürətinə vaxtaşırı məhdudiyyətlər tətbiq edilir və bu göstərici saatda 161 kilometrə qədər endirilir.
Zelenski qeyd edib ki, Ukrayna hərbçilərinin araşdırmaları nəticəsində problemin təsadüfi texniki nasazlıqlardan deyil, koordinasiyalı məhdudiyyətlərdən qaynaqlandığı müəyyən edilib.
Onun sözlərinə görə, bu vəziyyət, ilk növbədə, Ukrayna tərəfinin Rusiya ordusuna məxsus reaktiv pilotsuz uçuş aparatlarını təqib etməsini çətinləşdirir.
Prezident bildirib ki, sistemin sürət məhdudiyyətləri səbəbindən Ukraynanın ələkeçirmə sistemləri bəzi hədəfləri vaxtında müəyyənləşdirib zərərsizləşdirə bilmir.
Nəticədə Rusiya qüvvələrinin daha çox ukraynalını öldürməsinə və Ukrayna ərazisinə daha dəqiq zərbələr endirməsinə şərait yaranır.
Zelenski problemin səbəblərini aydınlaşdırmaq üçün ABŞ tərəfi ilə danışıqlar aparıldığını da vurğulayıb.
