Rusiya Prezidenti Vladimir Putin və İran Prezidenti Məsud Pezeşkian arasında görüş keçirilib.
"Operativ Məlumat Mərkəzi-OMM" xəbər verir ki, görüş Türkmənistanın paytaxtı Aşqabadda baş tutub.
Putin iki ölkə arasında münasibətlərin müsbət inkişaf etdiyini söyləyib. O bildirib ki, İran və Rusiya arasında ticarət ötən il 13%, bu il isə daha 8% artıb: "Biz Buşehr və Şimal-Cənub marşrutunun infrastrukturunun inkişafl da daxil olmaqla, əsas böyük layihələrimiz üzərində işləməyə davam edirik".
Putin əlavə edib ki, Rusiya və İran qaz və elektrik enerjisi sahələrində əməkdaşlıq məsələlərini müzakirə edirlər.
Pezeşkian beynəlxalq səviyyədə İrana verdiyi dəstəyə görə Rusiyaya təşəkkür edib: "Mövqelərinizə, beynəlxalq səviyyədə siyasi mövqelərimizi dəstəklədiyinizə görə sizə təşəkkür etmək istəyirəm".
İran Prezidenti həmçinin bildirib ki, ilin sonunadək “Şimal-Cənub” nəqliyyat dəhlizi çərçivəsində Astara-Rəşt dəmir yolu hissəsi istifadəyə veriləcək.
