Kreml Rusiya Prezidenti Vladimir Putinlə ABŞ Prezidenti Donald Tramp arasında aparılan telefon danışıqlarına dair məlumatların mütəmadi olaraq ictimaiyyətə çatdırıldığını bildirib.
"Operativ Məlumat Mərkəzi-OMM"xəbər verir ki, bu barədə Rusiya Prezidentinin mətbuat katibi Dmitri Peskov açıqlama verib.
Bildirilib ki, o, "RİA Novosti"yə müsahibəsində Kreml tərəfindən bu cür danışıqlar barədə mütəmadi hesabat verildiyini qeyd edib.
Qeyd olunub ki, Peskov ABŞ Prezidentinin Putinə zəng etməsi ilə bağlı açıqlamasına münasibət bildirərək, bütün məlumatların mətbuat üçün brifinqlər vasitəsilə təqdim olunduğunu deyib.
Məlumata görə, o, Rusiya Prezidentinin köməkçisi Yuri Uşakovun da bu danışıqlarla bağlı jurnalistlərə məlumat verdiyini xatırladıb.
Bildirilib ki, ABŞ Prezidenti Donald Tramp "Fox News"a müsahibəsində Putinlə əlaqə saxladığını açıqlamışdı.
Qeyd edilib ki, Tramp 24 apreldə də Rusiya ilə dialoqun vacibliyini vurğulayaraq, münaqişə dövründə belə ünsiyyətin dayandırılmamalı olduğunu bildirmişdi.
