Statistik portal Sofascore “Ravenna”nın 46 yaşlı yarımmüdafiəçisi Ronaldinyonun “Forli” ilə qarşılaşmadakı çıxışını 7,0 balla qiymətləndirib. Braziliyalı futbolçu Seriya C-nin 14-cü turunda 2:0 hesabı ilə başa çatan görüşdə 11 ildən sonra ilk dəfə rəsmi matçda oynayıb.
Ronaldinyo “Ravenna”nın start heyətində meydana çıxıb və ilk hissəni oynayıb. O, 45 dəqiqə ərzində topa 28 dəfə toxunub, 21 ötürmədən 17-ni dəqiq yerinə yetirib. Bu, 81 faiz göstəricidir.
Yarımmüdafiəçi iki təkbətək mübarizədən birində qalib gəlib, üç ortadan birini dəqiq ünvanlayıb və üç künc zərbəsi yerinə yetirib. O, bir dəfə qayda pozuntusu qazanıb, topu isə yeddi dəfə itirib.
Ronaldinyo 2002-ci ildə Braziliya millisinin heyətində dünya çempionu olub, 2005-ci ildə isə “Qızıl top” mükafatını qazanıb. Karyerası ərzində “Gremio”, “PSJ”, “Barselona”, “Milan”, “Flamenqo”, “Atletiko Mineyro”, “Keretaro” və “Fluminense” klublarında çıxış edib.